A materia orgánica é o principal residuo que se produce nos fogares (case un 40%), e tamén é a que se pode reciclar dunha maneira máis sustentable e cunha menor inversión enerxética e económica, por esta razón é imprescindible recollela por separado.
Así mesmo, a Lei 7/2022, do 8 de abril, de residuos e solos contaminados para unha economía circular, obriga aos concellos a recoller os biorresiduos de maneira separada e establece uns obxectivos específicos de reciclaxe para os próximos anos.
TEN EN CONTA QUE PODES ESCANEAR O CÓDIGO QR da túa tarxeta é abrir o contedor directamente co teu teléfono móbil.
O teu “Kit” componse dun cubo aireado (10 litros), un rolo de bolsas compostables, un folleto informativo, un imán para colocar na neveira e unha tarxeta para abrir o contedor.
Datas das carpas informativas:
Concello de Bueu
Concello de Cangas
Si, sempre. O lixo orgánico debe ser introducido no contedor marrón en bolsas compostables, ben pechadas, para evitar malos olores e sucidade no contedor. Estas bolsas, descompóñense de maneira natural e convértense en compost, a diferencia das bolsas de plástico tradicionais, que tardan séculos en descompoñerse.
Para saber se unha bolsa é compostable, debe estar certificada baixo normas recoñecidas (EN 13432) e ter impresos os logotipos que o acrediten.
Non se poden usar bolsas de plástico porque este material é considerado un impropio que xera problemas nas plantas de tratamento –a súa separación resulta difícil e custosa – e poden transferir contaminantes que reducen a calidade do compost.
A recollida selectiva de biorresiduos pretende que o material que se deposite nestes contedores estea limpo e libre de impropios que poidan dificultar o tratamento posterior. Por isto, só teñen acceso ao contedor aquelas familias que realmente estean interesadas na reciclaxe da materia orgánica e estean motivadas para realizar axeitadamente a separación e o depósito destes residuos.
Non, soamente se pode ter unha tarxeta por domicilio.
Pode poñerse en contacto con nós mediante o correo electrónico info@mancomunidadedomorrazo.gal e indicar o nome, apelidos, dirección completa e datos de contacto para poder xestionar a incidencia.
Non. Coa túa tarxeta de usuario só poderás abrir os contedores marróns do teu concello.
Podes depositar os teus biorresiduos noutro contedor marrón próximo. Ademais, se observas algún dano ou non funciona o contedor marrón que usas habitualmente, podes comunicalo a través do correo electrónico info@mancomunidadedomorrazo.gal.
Non. No contedor de orgánica so se poden tirar os pousos de café, pero non as cápsulas, porque a maioría están fabricadas con plástico ou aluminio.
Os panos de mesa e os pequenos restos de papeis e cartóns pódense tirar no contedor marrón só se están manchados de restos de alimentos. Pódense depositar neste contedor, porque tanto o papel como o cartón están feitos de celulosa, un material de orixe vexetal biodegrdable. Non se poden depositar no contedor marrón se están sucios de produtos non alimentarios como, por exemplo, disolventes ou pinturas. O papel limpo debe ir ao contedor de PAPEL/CARTÓN (cor azul), para ser utilizado como materia prima na produción de papel reciclado.
Se tes dúbidas sobre un residuos, podes poñerte en contacto con nós mediante o seguinte formulario.
Correo de atención á persoa usuaria
info@mancomunidadedomorrazo.gal