Os residuos orgánicos, restos de comida e vexetais, son os máis abundantes de todos os residuos municipais. Como media, supoñen aproximadamente a metade do lixo total dos fogares e pequenos comercios.
Grazas á súa biodegradabilidade, pódense reciclar de maneira sinxela no mesmo lugar onde se producen, polo que se evita que haxa que transportalos, e isto aforra emisións e custos asociados ao transporte.
A Lei 7/2022, do 8 de abril, de residuos e solos contaminados establece, para o 2020, que a cantidade de residuos domésticos destinados ao reciclado para as fraccións de papel, metais, vidro, plástico, biorresiduos ou outras fraccións reciclabeis deberá alcanzar como mínimo o 50% en peso.
Ademais, establece que as entidades locais adoptarán as medidas necesarias para posibilitar a separación e a reciclaxe en orixe dos biorresiduos mediante a compostaxe doméstica e comunitaria ou a súa recollida separada e posterior transporte e tratamento en instalacións específicas de reciclado.
A compostaxe é un proceso natural no que os restos de materia orgánica se descompoñen converténdose nun fertilizante natural, o compost. Deste xeito, todos os compoñentes dos restos de alimentos, animais e plantas recíclanse volvendo á terra para servir de alimento a novos seres vivos. É levada a cabo principalmente por microorganismos descompoñedores (bacterias e fungos) e animais detritívoros (como as miñocas). Tradicionalmente, facíase.
O compost é un fertilizante natural, que presenta múltiples beneficios:
Se dispós de horta ou xardín podes anotarte para recibir un composteiro individual.
Se vives preto dun Centro de Compostaxe Comunitaria, podes participar gratuitamente.
Realízase a recollida de residuos orgánicos para grandes produtores, como restaurantes e comedores de colexios.
O compost será mais rico canta máis variedade de restos botemos no composteiro. Pódense botar os restos de comida crus ou cocinados e canto máis pequenos mellor xa que se desfarán antes.
Correo de atención á persoa usuaria
info@mancomunidadedomorrazo.gal